काठमाडौं २४ फाल्गुन
नेकपा (एमाले) को मेची महाकाली अभियानको सन्दर्भमा २०७३ फागनु २३ गते सप्तरीमा आयोजित सभामा प्रहरीले गोलीहानी ७ जनाको हत्या र दर्जनौं घाइते हुनेगरी जुन अमानवीय घटना घटायो त्यो घटनाको आदिवासी जनजाति राष्ट्रिय आन्दोलन, नेपाल, घोर निन्दा एवं भत्र्सना गरेको छ । उक्त घटना नियोजित रुपमा नेकपा एमालेले मधेशी जनताको अधिकार, आत्मसम्मान एवं स्वाभिमानमा आच पुर्याउने, मधेशी समुदायविरुद्व विभेदपूर्ण व्यवहार गर्नेे, अपमानित गर्ने, होच्याउने र घोचपेच गर्ने खालका गैरजिम्मेवार, भड्काउपूर्ण एवं उत्तेजक अभिव्यक्ति नै यस घटनाको मुख्य कारक तत्व हो भन्ने आदिवासी जनजाति राष्ट्रिय आन्दोलन, नेपालले ठहर गरेको छ । यसरी एमालेले राष्ट्रिय एकता, अखण्डता र साम्प्रदायिक सद्भाव भड्काउने नियतले मेची महाकाली यात्रा कार्यक्रम तयार गर्ने र सरकारले अधिकार प्राप्तिका लागि शान्तिपूर्ण आन्दोलनमा उत्रेका जनताको नरसंहार गरेर मानवअधिकारको गम्भीर उल्लंघन भएको आदिवासी जनजाति राष्ट्रिय आन्दोलन, नेपालले बताएको छ । यसका विरुद्धमा संयुक्त लोकतान्त्रिक मधेसी मोर्चाले आह्वान गरेको फागुन २४, २५ को तराई मधेस बन्द र संघीय गठबन्धनले आह्वान गरेको फागुन २६ को देश व्यापी विरोध सभा तथा फागुन २७ को नेपाल बन्दको आन्दोलनका कार्यक्रमप्रति आदिवासी जनजाति राष्ट्रिय आन्दोलन, नेपालले ऐक्यबद्धता तथा समर्थन समेटा जनाएको छ ।
उसले सप्तरी घटनामा प्रहरीको गोलीद्वारा ज्यान गुमाएका ७ जना मृतकहरुलाई तत्काल सहीद घोषणा गर्न, मृतक परिवारलाई क्षतिपूर्ति दिन र घाइतेहरुलाई स्वास्थ्य उपचार गर्न सरकार सँग माग समेत् गरेको छ । साथै, सहीदहरुप्रति हार्दिक श्रद्वाञ्जली तथा सहीदका परिवारप्रति समवेदना प्रकट गर्दै यस घटनाबाट उत्तेजित र मर्माहित भएका आम जनसमुदाय संयमित हुन र धैय धारण गर्न अनुरोध आदिवासी जनजाति राष्ट्रिय आन्दोलन, नेपाल गरेको छ ।
Loading...
Facebook Comments