Loading...
एकीकृत पार्टीमा १० तहका कमिटी, दुई रातमा बन्यो विधान, यस्ता छन् १० तहका कमिटी

एकताका लागि गठित संगठन र विधानसम्बन्धी कार्यदलले सोमबार एकीकृत पार्टीमा १० तहका कमिटी रहने सांगठननिक संरचनामा सहमति गरेको समाचारमा उल्लेख छ । एमाले र माओवादी एकतापछिको एीकृत पार्टीमा १० तहका कमिटी बन्ने भएको नयाँ पत्रिका दैनिकमा समाचार छ ।
दुवै पार्टीका नेताको व्यवस्थापन गर्न राष्ट्रिय प्रतिनिधि परिषद् बनाउने सहमतिसमेत भएको छ । परिषद्लाई महाधिवेशनअगावै नेतृत्व फेर्नेदेखि विधान परिवर्तन गर्नेसम्मको अधिकार छ ।

समाचार अनुसार, कार्यदलले मुल नेतृत्वसहित संघीय संरचनाअनुसार १० तहको एकीकृत पार्टीको सांगठनिक स्वरुप र तहगत संरचना बनाउने समझदारी गरेको छ । जसअनुसार पार्टीको नेतृत्व एमाले अध्यक्ष केपी ओली र माओवादी अध्यक्ष प्रचण्डले सहअध्यक्षका रुपमा आलोपालो प्रणालीबाट गर्नेछन् ।

सबैभन्दा माथि स्थायी समिति हुनेछ । त्यसपछि क्रमशः पोलिटब्युरो, केन्द्रीय कमिटी, राष्ट्रिय प्रतिनिधि परिषद्, प्रदेश कमिटी, जिल्ला कमिटी, निर्वाचन क्षेत्रीय कमिटी, महानगर/उपमहानगर/नगर, गाउँपालिका/वडा र प्रारम्भिक कमिटीसहित १० वटा तहगत संरचनामा कमिटी बन्ने मोटामोटी टुंगो लागेको नयाँ पत्रिका दैनिकको दाबी छ ।
एकीकृत पार्टीको अन्तरिम विधान काठमाडौंको गोकर्ण रिसोर्टमा दुई दिन दुई रात लगाएर नेताहरुले तयार गरेका छन् । मन्त्री बनेकाहरु व्यस्त बनेपछि मन्त्री नभएका नेताहरुले गत बिहीबारदेखि शनिबार बिहानसम्म रिसोर्टमा बसेर विधानको मस्यौदा तयार गरेका हुन् । सोही मस्यौदामाथि अहिले अन्तिम छलफल चलिरहेको छ ।

Leave a Reply

Your email address will not be published. Required fields are marked *