पर्वत, १७ चैत / पर्वतको गुप्तेश्वर बहुमुखी क्याम्पस, स्वतन्त्र विद्यार्थी यूनियनका सभापतिसहित तीन यूवा एक युवतीलाई सामूहिक बलात्कार गरेको आरोपमा पक्राउ परेका छन् । बिहीबार राती कुश्मा नगरपालिका–४ छमर्के घुम्तीको एक होटलमा युवतीलाई सामूहिक बलात्कार गरेको आरोपमा नेपाल बिद्यार्थी संघबाट निर्वाचित स्ववियु सभापति शिशिर क्षेत्रीसहित तीन युवा पक्राउ परेका हुन् । अन्य पक्राउ पर्नेमा कुश्मा नगरपालिका–५ मेलमिलापचोकका सुजल श्रेष्ठ र फलेवास नगरपालिका–६ देविस्थानका सौगात शर्मा पौडेल रहेको प्रहरीले जनाएको छ ।

जिल्ला प्रहरी कार्यालय पर्वतले दिएको जानकारी अनुसार बाग्लुङको चैते दसैँ मेला अवलोकन गरेर फर्किँदै गरेका दुई युवतीलाई बिहीबार दिउँसो ३ बजेदेखि मालढुंगाबाट लिएरका आएका श्रेष्ठ र पौडेलले गेष्टहाउसमा राखेपछि शिशिरलाई बोलाएका थिए ।

दिउँसैदेखि खाजा खाँदै छमर्के स्थित न्यू सेवा गेष्ट हाउसमा बसेका दुई युवती मध्ये एक युवती भाग्न सफल भएकी र अर्की स्याङजा जिल्ला घर भएकी १६ वर्षकी युवतीलाई भाग्न खोज्दा खोज्दै समातेर जर्बजस्ती करणी गरेको बुझिएको प्रहरीले बताएको छ । प्रहरीले होटल मालिक नारायण भन्ने शेरबहादुर हमाललाई पनि अनुसन्धानका लागि पक्राउ गरेको छ ।