Loading...
प्रजातन्त्र-लोकतन्त्र दिवस, पृथ्वी जयन्ती, घटस्थापनाका विदाहरु काटिनु अपराध- हिन्दु महासंघ

काठमाडौं । नेपाल विश्वहिन्दु महासंघले सरकारी विदा कटौती गरेर केपी शर्मा ओली सरकारले समग्र हिन्दू धर्ममाथि प्रहार गरेको बताएको छ ।
महासंघले पत्रकार सम्मेलन गरेर सनातनी हिन्दु विदाहरु कटौती गरेको भन्दै सरकारलाई विदा कायम राख्न सुझाव दिएको छ । महासंघका संस्थापक अध्यक्ष डा.केदारनाथ दाहालले पाँच हजार वर्ष पहिलेदेखि चल्दै आएको सनातन हिन्दु धर्ममाथि प्रहार भएको जिकिर गरे ।

उनले भने, ‘कुनैपनि देश धर्मसापेक्ष हुन सक्दैन, हाम्रो देशलाई धर्मनिरपेक्ष घोषणा गरेर ८४ प्रतिशत हिन्दुहरुको मर्म र भावनामाथि खेलवाड गरिएको छ, यो हामीलाई स्विकार्य छैन्, जबसम्म सरकारले कटौती गरेका विदाहरु यथास्थितिमा कायम गर्दैन, र सनातन हिन्दुराज्य कायम गर्दैन तब सम्म हाम्रो आन्दोलन जारी रहन्छ ।’

उनले अघि थपे, ‘तीन नम्बर प्रदेशकी उप–सभामुख राधिका तामाङले गाई काटेर खान पाउनुपर्ने बोलेकी छिन्, यो राष्ट्रिय जनावरमाथि यत्रो अपमानपूर्ण अभिव्यक्ति दिनु जायज छैन्, तत्काल उनले यो वचन फिर्ता लिएर नेपाली दाजुभाइबीचको सम्बन्ध सुमधुर बनाउनमा साथ दिनेछन भन्ने मैले आशा लिएको छु, बरु विकासमा समृद्धिमा लाग्नको लागि आग्रह गर्दछु ।’

अध्यक्ष दाहालले भने, ‘सरकारले वर्षमा १२ दिन बिदा काटेर देश स्वर्ग बन्नेवाला छैन्, तीन वटा तह र कर्मचारी जनप्रतिनिधिहरु बोल्छन् काम गर्दैनन्, अनि समृद्धिको शीर्षकमा यस्तो परम्परासँग जोडिएका विदा काटेर सरकारले आस्थामाथि प्रहार मात्र गरेको छ । यो के गर्न खोज्दैछ ? मुलुकको पहिचान भनेकै धर्म–संस्कृति हो, प्रजातन्त्र दिवस्, लोकतन्त्र दिवस, पृथ्वी जयन्ती लगायतका विदाहरु कटौती गर्नुलाई सामान्य रुपमा लिन सकिदैन ।’

सरकारले हिन्दु, जैन, सिश, बौद्ध धर्मका विदा काटे पनि क्रिश्चियनका बिदा नकाट्नुले फरक सन्देश दिएको बताउँदै उनले भने, ‘जसका बिरुद्धमा हामी उभिएका छाँै, राति सुत्दा हिन्दु राज्यमा थियौं, भोलि बिहान उठ्दा धर्मरिपेक्ष राष्ट्रका नागरिक कसरी भयौं ? यो अच्चम्मको कुरा छ ।’
वरिष्ठ उपाध्यक्ष विजय निषादले सरकारी विदा कटौतीका बारेमा सरकारले अयोग्यता प्रकट गरेको टिप्पणी गरेका छन् ।

उनले भने, ‘नेपालको अर्थतन्त्र र विकासको नाममा विदा कटौती गरेको छ, यसरी हेर्दा चीन, हंकङममा सरकारी विदाका दिनहरु बढेका छन्, त्यहाँको आर्थिक वृद्धिदर बढेको छ, चीनमा २३ प्रतिशत बढेको छ, यो २००३ को कुरा हो, त्यस्तै हङकङमा ०.५ प्रतिशत आर्थिक वृद्धि भएको छ, हाम्रो सरकारले काम नगर्ने विदा कटौती गरेर प्रचारवाजी गर्ने काम गरेको छ बरु सरकारी विदालाई वैज्ञानिक बनाउनु आजको आवश्यकता हो ।’

कार्यक्रममा महासंघका सह–अध्यक्ष शंकर पौडेल, दयाराम पाण्डे, पर्यटन बोर्ड कलकता दिनेश सिंह नेपाल, जेष्ठ नागरिक नेपालका चिरञ्जीवी कंडेल, महासंघका प्रदेश नम्बर ३ का दन बहादुर विश्वकर्मा लगायतले हिन्दुराष्ट्र कायम गर्न र सामाजिक सद्भाव कायम राख्नको लागि सबैमा आग्रह गरेका छन् ।

Facebook Comments

Leave a Reply

Your email address will not be published. Required fields are marked *