Loading...
उपेन्द्रको प्रस्ताब केपी ओलिदवारा ठाडै अस्विकार, ओलीले भने ‘तपाइले भनेको हुदैन”

वीरगञ्ज। प्रधानमन्त्री एवं नेकपा एमालेका अध्यक्ष केपी शर्मा ओलीले संघीयतालाई कमजोर पार्ने अभिव्यक्ति दिएका छन् ।

संघीय समाजवादी फोरम नेपालका अध्यक्ष उपेन्द्र यादवले केन्द्रको अधिकार प्रदेश र स्थानीय तहमा हस्तान्तरण हुनुपर्ने र संघीयतालाई दिगो बनाउन प्रदेश सरकारलाई अधिकारसम्पन्न बनाउनुपर्नेमा जोड दिइरहेका बेला प्रम ओलीले स्थानीय सरकारलाई गाडीको सुविधा दिन नसकिने स्पष्ट पार्दै यादवलाई काउन्टर दिएका हुन्। ओलीले तराईको बारा जिल्ला पुगेर यादवलाई काउन्टर दिएका हुन्।

बारा जिल्लाको जीतपुर सिमरा उपमहानगरपालिका वडा नं ४, औराहीमा निर्माण हुन लागेको गार्मेन्ट प्रशोधन केन्द्रको आइतबार शिलान्यास गर्दै प्रधानमन्त्री ओलीले एउटा सरकार चलाइरहेको अवस्थामा देशमा संघीयता आएपछि ७६१ वटा स्थानीय सरकार चलाउनुपरेकाले स्थानीय सरकारलाई गाडी त के रिक्साको सुविधा पनि दिनसक्ने अवस्थामा केन्द्रीय सरकार नरहेको बताए।

उनले भने, ‘गरिबीका कारण अहिले देश पछाडि परेकाले विस्तारै स्थानीय सरकारलाई समेत सम्पन्न र समुन्नत बनाउँछौं।’ उनले देश संघीयतामा गएपछि धेरै काम गर्नेबारे सोचेको थिएँ तर सरकार परिवर्तनसँगै त्यो काम अगाडि बढ्न नसकेको बताए। उनले सबै बालबालिकाको शिक्षामा पहुँच होस् भनेर सरकारले आगामी वैशाख ५ गतेदेखि शिक्षा अभियान कार्यक्रम सञ्चालन गर्ने जानकारी दिए।

प्रधानमन्त्री ओलीले देश र राजनीतिले परिवर्तन चाहेमा संविधान, कानून तथा ऐननियम परिवर्तन गर्न सकिने पनि स्पष्ट पारे। सार्वभौमसत्ता सम्पन्न नेपाली जनताको मागअनुसार हिमाल, पहाड र तराईको विकास गर्न सरकार कटिबद्ध रहेको उनको भनाई थियो।

Leave a Reply

Your email address will not be published. Required fields are marked *