बालिकाको शव नाङ्गो अवस्थामा रहेको र कपडाहरु शव वरिपरि फालिएको प्रत्यक्षदर्शीले बताए । घटना स्थलमै एउटा चशमा र विस्कुटको प्याकेट समेत फेला परेको छ । उक्त स्थान औरही बजारबाट करिब एक किलोमिटरको दुरिमा छ ।

यसरी भएको थियो अपहरण
आइतबार साँझ आफ्नै पसलमा खेल्दै गर्दा एक अपरिचत व्यक्तिले बालिका झुक्याएर लगेका थिए । औरही नगरपालिका १ स्थित पसलको काउण्टरमा खेल्दै गरेकी बालिका सोनाली चौधरीलाई अपरिचित व्यक्तिले लगेका थिए । बच्चा लग्ने व्यक्तिको सिसिटिभी फुटेजबाट पहिचान भैसकेको र तत्कालै उनको खोजी प्रहरीले गरेको थियो । यता महोत्तरी उद्योग वाणिज्य संघ औरही शाखाले समेत बजारका सवै पसल बन्द गरेर ब्यापारीहरु सोमवार विहान बच्चाको खोजीमा निस्केका थिए ।