१२ माघ, काठमाडौं । संघीय सरकारले ल्याएको प्रहरी र आन्तरिक सूरक्षासम्बन्धी विधेयक फिर्ता लिन प्रदेश नम्बर २ का मुख्यमन्त्री लालबाबु राउतले माग गरेका छन् ।
उहाले संघीय संसदमा दर्ता भएको दुबै विधेयक संविधान विपरित दाबी गर्नु भएको छ । शनिबार रिपोर्टर्स क्लब नेपालले आयोजना गरेको साक्षात्कारमा मुख्यमन्त्री राउतले भन्नुभयो-” संघीयतालाई समाप्त पार्ने र संविधान विपरित आएको विधेयक कदापी स्वीकार्य हुन सक्दैन ।’
संघीय सरकारले ल्याएको दुबै विधेयकमा प्रहरी परिचालनदेखि शान्ति सुरक्षाको सबै जिम्मेवारी प्रमुख जिल्ला अघिकारीलाई दिने प्रस्ताव गरिएको छ ।
उहाले भन्नु भयो -“संविधानलाई तोडमोडर गरेर ऐन, कानुन ल्याउन खोजिएको छ, त्यसविरुद्ध लड्छौं र आवश्यक पर्यो भने संवैधानिक इजलासमा पनि जान सक्छौं ।’
Facebook Comments