रौतहटको कटहरिया नगरपालिकाद्धारा कटहरियामा जारी मेयर स्तरीय टि २० नक आउट क्रिकेट प्रतियोगितामा आज भएको पहिलो सेमिफाईनल खेलमा फतेपुर टिम विजयी भएको छ । मावि कटहरियाको प्रांगनमा भएको खेलमा फतेपुरले जनता मावि कटहरिया टिमलाई ८७ रनले पराजित गरेको हो । प्रतियोगितामा टस जितेर पहिलो व्याटिंग गरेको फतेपुर टिम ८ विकेट गुमाएर १४६ रन बनाउँदै जनता मावि टिमलाई १४७ रनको चुनौति दिएका थिए । जवाफी व्याटिंगमा उत्रेको जनता मावि टिम सबै विकेट गुमाउँदै ५९ रन मात्रै बनाउन सकेको हो । प्रतियोगितामा विजयीभएसँगै फतेपुर टिम फाईनलमा पुगेको छ । मेयर कपको फाईनल खेल शनिवार विहान ९ बजेदेखी शुरु हुने छ । फाईनल खेल कटहरिया ५ र फतेपुर टिम विच हुने विगन कुमार साहले जानकारी दिनुभयो ।