भदौ ९ गते, काठमाडौं । जनता समाजवादी युवा संघका रौतहट जिल्ला अध्यक्ष कौशरखान मिथिलाले विजय यादव निर्विजलाई अविलम्ब हिरास्तमा लिन प्रशासनसँग माग गरेका छन ।

नेता मिथिलाले विजय यादवलाई अविलम्ब नियन्त्रणमा लिएर खेसरहिया स्थित हनुमान मन्दिरका पुजारी श्रीराम साहका हत्याको सन्दर्भमा सोधपुछ गर्न जोडदार माग गरेका छन ।
जनता समाजवादी युवा संघका रौतहट जिल्ला अध्यक्ष मिथिलाले आज एक प्रेस विज्ञप्ती जारी गर्दै यस्तो माग गरेका हुन ।

रौतहटको माधवनारायण नगरपालिका २ खेसरहिया स्थित हनुमान मन्दिरका पुजारी श्रीराम साहलाई अज्ञात व्यक्तिको समुह गोली हानी हत्या गरेको घटनाको रौतहट प्रहरीले अनुसन्धान जारी राखेकै अवस्थामा विजय यादव निर्विजले यस हत्या काण्डमा फोरम पार्टि अर्थात हालका जनता समाजवादी पार्टीको संलग्नता रहेको भनी आफना फेसबुकमा लेखेको स्टाटस प्रति आफना पार्टीको गम्भीर ध्यानाकर्षण भएको मिथिलाले बताएका छन ।

पुजारी हत्या काण्डको अनुसन्धान कार्य जारी नै रहेको, अनुसन्धानको अन्तिम परिणाम अझै आउन नसकेको र प्रहरीले समेत यस विषयमा अझै केहि बोल्न नसकेको अवस्थामा विजय यादवले विना प्रमाण यस हत्या काण्डमा फोरमको ठुलो नेताको हात वा संलग्नता हुन सक्ने भन्दै यस्ता तथ्यहिन झुठा एवं भ्रामक कुरा समाजिक सञ्जालमा लेखेर सिंगो जनता समाजवादी पार्टीलाई नै बदनाम गर्न खोजेको भन्दै नेता मिथिलाले तत्काल विजय यादवलाई हिरास्तमा लिन र यस घटनाको सन्दर्भमा पुछतास गर्न माग गरेका हुन ।

कुनै पनि घटनाको दोषी कोहो भन्ने कुरा प्रहरी अनुसन्धानबाट मात्रै बताउने गर्छ तर कुनै व्यक्ति विशेषले फलानो पार्टी अथवा व्यक्तिको नै संलग्नता रहेको कुरा खुल्न आएको जस्ता कुरा गर्नु त्यो घटनाको सन्दर्भमा उसलाई थाहा हुनु हो त्यसैले पुजारी हत्याकाण्डका विषयमा विजय यादवको पोष्ट हेर्दा उसलाई यस घटनाको सन्दर्भमा पुरै जानकारी रहेको बुझिएकोले निर्विजलाई नै नियन्त्रणमा लिएर यस हत्या काण्डको बारेमा सोधपुछ गरी उसैबाट नाम खुलाउन अध्यक्ष मिथिलाले जोडदार माग गरेका छन ।

कपोकल्पित, भ्रामक, झुठा एवं आधारहीन कुरा लेखी जनतामा भ्रम फैलाउने र जसपालाई बदनाम गराउने विजय यादवलाई तुरुन्त नियन्त्रणमा लिएर कार्यवाही गरिएन भन्ने हाम्रो पार्टी कडा आन्दोलनमा जाने उनले चेतावनी पनि दिएका छन ।

अन्त्यमा घटनाको निष्पक्ष र गहन छानविन हुनुपर्ने, दोषीको तत्काल पहिचान हुनुपर्ने र दोषी जोसुकै भएपनि कडा भन्दा कडा कार्यवाही गर्नको लागि माग गरेको समाजवादी युवा संघ रौतहटका अध्यक्ष कौशरखान मिथिला द्धारा हस्ताक्षरित प्रेस विज्ञप्तीमा उल्लेख रहेको छ ।