Loading...
दोधारे नीतिमा जसपा, मधेशमा पत्ता साफको डरले उपेन्द्रको निर्णय -“संविधान दिवस नमनाउने”

असोज, काठमाडौं । सत्ता गठबन्धनमा रहेको जनता समाजवादी पार्टी यसवर्षको संविधान दिवसको कार्यक्रममा सहभागी नहुने भएको छ । अध्यक्ष उपेन्द्र यादवले विज्ञप्ति जारी गरी संविधानमा अधुरा र विभेदकारी प्रावधान राखिएको भन्दै आइतबार मनाइने संविधान दिवसको कार्यक्रममा भाग नलिने बताए । संविधानमा संघीयता, समावेशी लोकतन्त्र, राष्ट्रिय पहिचानको मान्यता, स्वशासन र स्वायत्तता, समानुपातिक समावेशीकरणलगायतका प्रावधान पनि अधुरो र अपूर्ण हुनुका साथै संविधानमा धेरै धाराहरुमा विभेदकारी प्रावधान राखिएको हुँदा सरकारले घोषणा गरेको संविधान दिवस २०७८ मा पनि भाग नलिने, विरोध गर्ने’ उनले विज्ञप्तिमा भनेका छन् ।

यादवले संविधानका विभेदकारी एवं त्रुटिपूर्ण प्रावधानको विरोध गर्न पनि आह्वान गरेका छन् । उनले विज्ञप्तिमा भनेका छन् ‘संविधानमा रहेका विभेदकारी एवं त्रुटीपूर्ण प्रावधानहरु परिवर्तनका लागि उक्त दिन असोज ३ गते संविधान संशोधनद्वारा यसलाई सच्याउनका लागि देशका प्रमुख स्थानहरुमा संविधान संशोधनको आवश्यकता विषयक अन्तर्क्रिया आयोजना गरी उक्त संविधानमा रहेका विभेदकारी प्रावधानको विरोध गर्न आम जनसमुदाय एवं पार्टीको संगठनहरुलाई आह्वान गरिन्छ ।’ यस भन्दा अगाडी जसपाले संबिधान दिवशको अवशर मा कुनै पनि बिरोध नगर्ने निर्णय गरेको थियो। जसपा संघिय सरकार को गठबन्धन मा आबद्ध छ भने प्रदेश २ मा उसकै सरकार रहेको छ। सरकारमा हुँदा संबिधान दिवशको समर्थन र नहुँदा बिरोध गर्ने भन्दै जसपा र खास गरि उपेन्द्र यादब माथि मधेशका जनताले आरोप लगाउदै आएका छन्।

Facebook Comments

Leave a Reply

Your email address will not be published. Required fields are marked *