सुरेन्द्र सिंह

बैशाख ८ गते जनकपुरधाम केही दिन यता निरन्तर भइरहेको वर्षा, हावाहुरी तथा असिनाले मध्यपुर्वी मधेशका किसान तथा ईंटा व्यवसायी मारमा परेका छन् । वर्षाका कारण आँप, गहुँ, दलहनवाली तथा तरकारी खेती नराम्ररी प्रभावित भएको जिल्ला कृषि विकास कार्यालय धनुषाले जनाएको छ । जिल्लामा २  हजार ४ सय ८५ हेक्टर जग्गामा आँप खेति गरिन्छ । खासगरि उत्तरी र पुर्वी धनुषामा आँप बढी उत्पादन हुने गरेको छ । तर वर्षासँगै परेको असिनाको कारण टिकोला अवस्थामा रहेको आँप बढी झरेकोले यस वर्ष उत्पादनमा ह्रास आउने बताइएको छ ।